ជំនាញសំណងសុីវិល
តើអ្វីដែលអ្នកអាចស្រមើស្រមៃឃើញ ឬនឹកគិតឃើញមុនគេពេលដែលឮថាពាក្យថាសំណង់ស៊ីវិល?
October 11, 2021
Author:
Leakna Khemarak
តើអ្វីដែលអ្នកអាចស្រមើស្រមៃឃើញ ឬនឹកគិតឃើញមុនគេពេលដែលឮថាពាក្យថាសំណង់ស៊ីវិល?
ជាការពិតណាស់សិស្សានុសិស្សជាច្រើន ឬក៏អាណាព្យាលបាលបានគិតថា ការសិក្សាផ្នែកសំណង់ស៊ីវិលគឺផ្ដោតតែលើការសាងសង់អាគារតែមុខតែប៉ុណ្នោះ ផ្ទុយទៅវិញជំនាញវិស្វកម្មសំណង់ស៊ីវិលនេះមានច្រើនផ្នែក ដែលគ្របដណ្តប់លើការងារនិងវិស្វកម្មគ្រប់ប្រភេទ
រួមមានការសាងសង់ស្ពាន ផ្លូវ ផ្លូវដែក ទំនប់ ប្រព័ន្ធទឹក ប្រព័ន្ធលូ ហេដ្ឋារចនាសម្ព័ន្ធនានា ។
ការសិក្សាទៅលើជំនាញនេះ ចំណេះដឹងដែលនិស្សិតទទួលបានក្រោយពីបញ្ចប់ការសិក្សារយៈពេល៥ឆ្នាំ៖
- យល់ដឹងពីការសិក្សា និងគណនាគ្រឹះសំណង់
- យល់ដឹងពីការគ្រប់គ្រងការដ្ឋានសំណង់ និងសំណង់សិល្បៈការណ៍
- យល់ដឹងពីភាពធន់នៃសម្ភារៈសំណង់
- យល់ដឹងពីការសិក្សាអំពីតម្លៃនៃគម្រោងសំណង់ ។
តើគួរត្រៀមអ្វីខ្លះសម្រាប់ជំនាញវិស្វកម្មសំណង់ស៊ីវិល?
👉សម្រាប់ប្អូនថ្នាក់ទី១២ ដែលមានបំណងចាប់យកជំនាញនេះ ដើម្បីជាមូលដ្ឋានគ្រឹះប្អូនៗគួរសិក្សាស្វែងយល់មុខវិជ្ជាមួយចំនួន ដូចជា៖
- គណិតវិទ្យា
- រូបវិទ្យា
- គីមីវិទ្យា
ក្រោយពីសិក្សាជំនាញនេះចប់តើអាចប្រកបការងារ ឬធ្វើការនៅកន្លែងណាខ្លះ?
បន្ទាប់ពីការសិក្សាជំនាញនេះ និសិ្សតអាចចាប់យកជំនាញដូចជា៖
- វិស្វករការដ្ឋាន Site Engineering
- វិស្វករគណនាគ្រឿងបង្គុំ Structural Engineering
- វិស្វករគូរប្លង់ Draftsman/Cad Operator
និងអាចប្រកបការងារនៅតាម អង្គភាព ក្រសួងសាធារណៈការនិងដឹកជញ្ជូន ក្រសួងអភិវឌ្ឍន៍ជនបទ និង ក្រសួងដែនដី នគរូបនីយកម្ម និងសំណង់ ក្រុមហ៊ុនសំណង់នានា និងមន្ទីរពិសោធន៍សំណង់ ។
តើសាកលវិទ្យាល័យណាខ្លះដែលមានបង្រៀនជំនាញនេះ?
សម្រាប់សាកលវិទ្យាល័យដែលមានបង្រៀនជំនាញវិស្វកម្មសំណងស៊ីវិល រួមមាន ៖
- សាកលវិទ្យាល័យ ខេមតិច
- វិទ្យាស្ថានជាតិបណ្ដុះបណ្ដាលបច្ចេកទេស(NTTI)
- វិទ្យាស្ថានជាតិពហុបច្ចេកទេសកម្ពុជា (NPIC)
- វិទ្យាស្ថានបច្ចេកវិទ្យាកម្ពុជា
- សាកលវិទ្យាល័យន័រតុន
- សាកលវិទ្យាល័យលីមកុកវីង
- សាកលវិទ្យាល័យមេគង្គកម្ពុជា
- សាកលវិទ្យាល័យ ប៊ែលធី អន្តរជាតិ
- សាកលវិទ្យាល័យផារ៉ាហ្គន
- សាកលវិទ្យាល័យបៀលប្រាយ
- សាកលវិទ្យាល័យឯកទេសនៃកម្ពុជា
- សាកលវិទ្យាល័យអន្តរជាតិផារ៉ាហ្គន
- សាកលវិទ្យាល័យអន្តរជាតិ
- សាកលវិទ្យាល័យអាមេរិកាំងភ្នំពេញ
និងរួមមានសាកលវិទ្យាល័យនៅតាមបណ្ដារខេត្តក្រុង ជាច្រើនទៀតដែលយើងមិនអាចរៀបរាប់អស់។