Author:
RUN Savuth
តើវិទ្យាសាស្ត្រនយោបាយជាអ្វី?
វិទ្យាសាស្ត្រនយោបាយ គឺជាការសិក្សាអំពីនយោបាយ និងអំណាចពីទស្សនៈក្នុងស្រុក អន្តរជាតិ និងទស្សនៈប្រៀបធៀប ។ ជាទូទៅ វាសំដៅទៅលើការសិក្សាអំពីរដ្ឋាភិបាល គោលនយោបាយសាធារណៈ និងអាកប្បកិរិយានយោបាយ ។
វិទ្យាសាស្ត្រនយោបាយផ្តោតលើទ្រឹស្តី និងការអនុវត្តរបស់រដ្ឋាភិបាល និងនយោបាយនៅថ្នាក់មូលដ្ឋាន រដ្ឋ ជាតិ និងអន្តរជាតិ ។
មុខវិជ្ជាដែលសិស្សត្រូវសិក្សា
និស្សិតផ្នែកវិទ្យាសាស្ត្រនយោបាយនឹងបំពេញភារកិច្ចជាក់លាក់រួមមាន៖
- ស្រាវជ្រាវប្រព័ន្ធនយោបាយជាតិ ឬទំនាក់ទំនងបរទេសរបស់ប្រទេសមួយ
- ការវិភាគ និងវាយតម្លៃគោលនយោបាយ ឬច្បាប់
- ទស្សន៍ទាយនិន្នាការនយោបាយ និងសង្គមនាពេលអនាគត
- ការប្រមូលនិងវិភាគការស្ទង់មតិសាធារណៈ
- តាមដានព្រឹត្តិការណ៍បច្ចុប្បន្ន ការសម្រេចចិត្តនយោបាយ និងវាយតម្លៃផលប៉ះពាល់របស់វា ។
តើសិស្សត្រូវត្រៀមអ្វីខ្លះមុនសិក្សាជំនាញនេះ?
ក្រៅពីការចាប់អារម្មណ៍លើវិទ្យាសាស្ត្រនយោបាយ ជំនាញផ្សេងទៀតដែលសិស្សត្រូវពូកែមានដូចជា៖
- ជំនាញវិភាគ
- ជំនាញទំនាក់ទំនង
- ជំនាញការគិតច្នៃប្រឌិត
- ជំនាញការគិតបែបស៊ីជម្រៅ ។
តើនិស្សិតធ្វើអ្វីបន្ទាប់ពីបញ្ចប់មុខវិជ្ជានេះ?
សញ្ញាបត្រវិទ្យាសាស្ត្រនយោបាយអាចជាច្រកផ្លូវទៅកាន់តួនាទីចម្រុះ ដែលអនុញ្ញាតឱ្យសិស្សអនុវត្តជំនាញសរសេរ និងវិភាគនៅគ្រប់ស្ថាប័នជាច្រើន ។ ខាងក្រោមនេះជាអាជីពវិទ្យាសាស្ត្រនយោបាយដែលមានសក្តានុពល៖
- អ្នកវិទ្យាសាស្ត្រនយោបាយ
- អ្នកវិភាគគោលនយោបាយ
- ជំនួយការអ្នកបង្កើតច្បាប់
- អ្នកឯកទេសទំនាក់ទំនងសាធារណៈ
- អ្នកវិភាគទីផ្សារ ។
សាកលវិទ្យាល័យផ្តល់ជូនជំនាញនេះ
- សាកលវិទ្យាល័យ បញ្ញាសាស្រ្តកម្ពុជា
- សាកលវិទ្យាល័យ កម្ពុជា
- សាកលវិទ្យាល័យ អាស៊ីអឺរ៉ុប
- សាកលវិទ្យាល័យ អន្តរជាតិប៉ារ៉ាហ្គន ។