Author:
Leakna Khemarak
តើអ្វីទៅជាទំនាក់ទំនងអន្តរជាតិ?
គេអាចឱ្យនិយមន័យទំនាក់ទំនងអន្តរជាតិបានច្រើនយ៉ាង ជារួមគឺជាទំនាក់ទំនងរវាងរដ្ឋនិងរដ្ឋ, រដ្ឋនិងអង្គការអន្តរជាតិ ឬ រវាងអង្គការអន្តរជាតិនិងអង្គការអន្តរជាតិ។
តើការសិក្សាជំនាញនេះផ្តោតទៅលើអ្វី?
ការសិក្សាអំពី “ទំនាក់ទំនងអន្តរជាតិ” គឺជាការសិក្សានិងស្រាវជ្រាវ ដែលសំដៅបង្ហាញដល់អ្នកសិក្សា និងអ្នកស្រាវជ្រាវនូវព្រឹត្តិការណ៍ ដែលបានកើតមានឡើងនៅក្នុងអតីតកាល ក៏ដូចជានៅពេលបច្ចុប្បន្នកាល និងយន្តការអន្តរជាតិផ្សេងទៀត ដើម្បីធ្វើឱ្យ អ្នកសិក្សា បានយល់ បានដឹងអំពីទំនាក់ទំនងនៅក្នុងសង្គមអន្តរជាតិ។
ក្នុងទស្សនៈវិស័យគតិយុត្តគឺជា ការវិភាគអំពីឥរិយាបទរបស់រដ្ឋ ដោយយោងទៅលើយន្តការនានារបស់សង្គម និងការអនុវត្តដែលផ្តោតលើការយល់ដឹងអំពីទំនាក់ទំនងពិសេសដែលមានរវាងរដ្ឋ និងរដ្ឋ ព្រមទាំង ប្រជាជាតិនិងវប្បធម៌ផ្សេងៗ ។
តើគួរត្រៀមអ្វីខ្លះសម្រាប់ជំនាញទំនាក់ទំនងអន្តរជាតិ?
សម្រាប់ប្អូនថ្នាក់ទី១២ ដែលមានបំណងចាប់យកជំនាញនេះ ដើម្បីជាមូលដ្ឋានគ្រឹះប្អូនៗគួរសិក្សាស្វែងយល់មុខវិជ្ជាមួយចំនួន ដូចជា៖
- ប្រវត្តិវិទ្យា
- សីលធម៌ពលរដ្ឋ
- និងជំនាញទុនខ្លះ ដូចជា ការដេញដោលមតិ និង ការនិយាយជាសាធារណៈ។
ចំណេះដឹងដែលនិស្សិតទទួលបានក្រោយពីបញ្ចប់ការសិក្សារយៈពេល៤ឆ្នាំ៖
- មូលដ្ឋានគ្រឹះ និងទ្រឹស្ដីទំនាក់ទំនងអន្តរជាតិ ច្បាប់ជាតិ និងច្បាប់អន្តរជាតិ
- មូលដ្ឋានគ្រឹះនៃការវិភាគលើបញ្ហាជាតិ និងអន្តរជាតិ កិច្ចការបរទេស
- យល់ដឹងអំពីទិដ្ឋភាពអន្តរជាតិ និងព្រឹតិ្តការណ៍អន្តរជាតិដែលប្រែប្រួល។ក្រោយពីសិក្សាជំនាញនេះចប់តើអាចប្រកបការងារ ឬធ្វើការនៅកន្លែងណាខ្លះ?អង្គភាព ឬមូលដ្ឋានដែលអ្នកសិក្សាចប់មុខជំនាញនេះអាចទៅបម្រើការងារ៖
- ក្រសួងការបរទេស ក្រសួងការពារជាតិ និងក្រសួងពាណិជ្ជកម្ម
- អង្គការជាតិ និងអន្តរជាតិ
- ជាសាស្រ្តចារ្យ
- ជាអ្នកវិភាគបញ្ហាអន្តរជាតិ
- ជាមន្រ្តីការទូត
- ជាមន្រ្តីស្រាវជ្រាវសង្គមរបស់រដ្ឋាភិបាល
- ជាភ្នាក់ងារការទូត
- ជាអ្នកវិភាគនយោបាយ
- ជាអ្នកឯកទេសខាងវិទ្យសាស្រ្តនយោបាយ។ល។
តើសាកលវិទ្យាល័យណាខ្លះដែលមានបង្រៀនជំនាញនេះ?
សម្រាប់សាកលវិទ្យាល័យដែលមានបង្រៀនជំនាញទំនាក់ទំនងអន្តរជាតិ រួមមាន ៖
- សាកលវិទ្យាល័យអន្តរជាតិផារ៉ាហ្គន
- សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច
- សាកលវិទ្យាល័យខេមរៈ
- សាកលវិទ្យាល័យជាតិគ្រប់គ្រង
- សាកលវិទ្យាល័យ ប៊ែលធី អន្តរជាតិ
- សាកលវិទ្យាល័យបញ្ញាសាស្ត្រកម្ពុជា
- សាកលវិទ្យាល័យបៀលប្រាយ
- សាកលវិទ្យាល័យ អាស៊ី អឺរ៉ុប
- សាកលវិទ្យាល័យមេគង្គកម្ពុជា
- សាកលវិទ្យាល័យកម្ពុជាអន្តរជាតិ
- សាកលវិទ្យាល័យអន្តរជាតិ
- សាកលវិទ្យាល័យភ្នំពេញអន្តរជាតិ
- សាកលវិទ្យាល័យកម្ពុជា
- សាកលវិទ្យាល័យអាមេរិកាំងភ្នំពេញ
- សាកលវិទ្យាល័យសេដ្ឋកិច្ច និងហិរញ្ញវត្ថុ
- សាកលវិទ្យាល័យឥន្រ្ទវិជ្ជា
និងរួមមានសាកលវិទ្យាល័យនៅតាមបណ្ដារខេត្តក្រុង ជាច្រើនទៀតដែលយើងមិនអាចរៀបរាប់អស់។